ഭാരിച്ചുപോയ നേട്ടങ്ങൾ

കൊണ്ടുവന്നതില്ലാ ഞാൻ
എന്നിൽ ചാർത്തപ്പെട്ടതൊന്നമല്ലാതെ,
എങ്കിലും ഞാൻ, പിടിച്ചടുക്കി എനിക്കായ്
ചിലതൊക്കെയും, എന്റേത് മാത്രമായ്.....

എനിക്കറിയാമിതൊന്നും ഒരിക്കലും
എന്റേത്  മാത്രമായിരുന്നില്ലാ നിസ്സംശയം,
 തോൽക്കുവാനാരൊ ചങ്കുറപ്പ് കാട്ടിയതിനാൽ മാത്രം ഏൽപിക്കപ്പെട്ടവയുമുണ്ടാവാമതിൽ.....

സമയം അതിനിയുമേറെയില്ലയെങ്കിലും
ദൂരം അതിനിയുമേറെയെന്നാകിലും,
ഭാരമുള്ള ആ ഭാണ്ഡങ്ങളൊക്കെയും
ഒഴിവാക്കി നന്മ മാത്രമായീടുകിൽ.....

ഹായ്, എത്ര സുന്ദരമാകുമീ എൻ യാത്ര,
നന്മകൾ തൻ സാമീപ്യമുള്ളതാം ഈ യാത്ര
ഭാരമേറിടാത്തൊരീ ജീവിതയാത്ര,
ഇന്നും ഇനിയെന്നും അങ്ങനെയങ്ങനെ.....